Anestesisjukepleie
Studiet gir kompetanse i å utøve anestesisjukepleie til pasientar som treng medisinsk og/eller kirurgisk behandling på grunn av akutt og kritisk sjukdom eller skade. Studiet starta i januar 2012. Neste moglege studiestart er august 2013.
Kort beskrivelse av studiet
Utdanninga kvalifiserer til arbeid i ulike anestesi- og operasjonsavdelingar i spesialisthelsetenesta og til prehospital teneste utanfor sjukehus. Anestesisjukepleiaren arbeider både sjølvstendig og i nært samarbeid med andre fagpersonar.
Innhold/fagområder i studiet
Innhald i studiet bygger på gjeldande rammeplan for vidareutdanning i anestesisjukepleie med forskrift (Utdannings- og Forskningsdepartementet, 2005). I rammeplanen er innhaldet i utdanninga organisert ut frå tre hovudemner:
Hovudemne 1: Sjukepleiefagleg fordjuping og samfunnsvitskaplege emner
Delemne 1A: Opplevingar og reaksjonar på akutt og kritisk sjukdom
Delemne 1B: Kompetanse- og fagutvikling
Delemne 1C: Etikk
Delemne 1D: Rammefaktorar, organisering, leiing og miljø
Hovudemne 2: Medisinske og naturvitskaplege emner.
Delemne 2A: Fysiologi og patofysiologi
Delemne 2B: Farmakologi
Delemne 2C: Mikrobiologi
Delemne 2D: Medisinsk utstyr
Delemne 2F: Intensivmedisin og kirurgi
Delemne 2F: Anestesiologi
Hovudemne 3: Anestesisjukepleie som fag og yrkesutøving
Delemne 3A: Den akutt og/eller kritisk sjuke pasienten, og pasientar som skal ha anestesi.
Delemne 3B: Anestesisjukepleie, ansvar og kompetanseområde
Organisering av studiet
Studiet går over tre semester på heiltid, og det vert veksla mellom teori- og praksisstudier. Kvart semester startar med ei teoriblokk som varer i 6-8 veker. Resten av kvart semester er 10-15 veker med praksisstudier i ulike anestesi- og operasjonavdelingar, hovudsakleg i helseføretaka i Møre og Romsdal.
Aktiv deltaking er ein føresetnad for læring og utvikling. Det vert gjennomført ulike former for forskningsbasert undervisning. Dette inkluderer mellom anna førelesingar, arbeid med studiespørsmål individuelt og i grupper, presentasjonar, og ulike praktiske øvingar.
Betaling
Ingen studieavgift. Studentane betalar berre ordinær semesteravgift, som for tida er kr 650 kvart semester.
Forkunnskaper
Offentleg godkjenning/autorisasjon som sjukepleiar, og minst to år relevant yrkespraksis.
Videre studier/utenlandsopphold
Vidareutdanning i anestesisjukepleie kan gje grunnlag for å søke innpassing i mastergrad.
Det vert for tida gitt høve til hospitering ved utdanningsinstitusjonar/sjukehus i utlandet.
