Sjølvbetening på biblioteket
Astrid Engelsen demonstrerer bruk av utlånsautomaten. Hugs studentkort!
Biblioteket på Høgskolen har fått seg automat! Her kan du låne og levere bøker sjølv, utan å måtte gå vegen om skranken.
Ein ny utlånsautomat er på plass i biblioteket. Hovudbibliotekar Astrid Engelsen er nøgd med det nye tilbodet, og vonar at studentane vil merke mindre kø i skranken.
Ta med studentkort!
Dei som skal låne må hugse å ta med studentkortet, seier Engelsen. Med studentkortet er det berre å registrere boka og ta ho med. Normal utlånstid er 4 veker, og returen kan også registrerast på automaten.
Låne bøker til vinterferien
Engelsen oppmodar alle til å teste ut den nye utlånsautomaten, og seier at biblioteket har mykje skjønnlitteratur å freiste med til vinterferien. Velkommen som lånarar!
