Millionpott til studentgründarar
Dagleg leiar Martin Farstad i studentbedrifta Bananas Clothing har rigga baren klar til dagens fylkesmesse for studentbedrifter under Gründerdagen.
Studentbedrifter med visjonar kan glede seg over millionsatsing frå Kommunal- og regionaldepartementet. Dei var det mange av på Gründerdagen ved Høgskolen i Ålesund.
Det skapande miljøet blant studentane ved Høgskolen i Ålesund er livskraftig, noko som tydeleg speglast i resultata frå dei siste NM og EM for studentbedrifter. Her har HiÅ-studentane nærast gjort reint bord.
Her kan du sjå video frå Gründerdagen, der dei 13 studentbedriftene presenterer seg.
I forkant av Gründerdagen og fylkesmessa for studentbedrifter, vart det og klart at Kommunal- og regionaldepartementet har bevilga 13 millioner kroner til innovasjon og entreprenørskap i universitets- og høgskolesektoren.
Med desse midlane vil regjeringa stimulere studentane til etablering av nye kompetanseverksemder i alle deler av landet, heiter det i ei pressemelding frå KRD.
- Studentar er viktige for vekst og verdiskaping i framtida. Høgskular og universitet blir derfor viktige samarbeidsaktørar i arbeidet med å utvikle eit nyskapande arbeids- og næringsliv, seier kommunal- og regionalminister Liv Signe Navarsete.
Det er utdanningsinstitusjonar i distrikta og i små og mellomstore byar som kan søke.
Gründerdagen er eit arrangement som sett fokus på nettopp nytenking, nyskaping og verdiskaping. I år kjem gründarar frå fleire bransjer og bedrifter, mellom andre OneCall, MTB Shoes, og blogg-gründer Thomas Moen. Det er det studentdrevne Næringslivsutvalget (NLU) som arrangerar dagen i samarbeid med høgskolen. I tillegg er Ungt Entreprenørskap med og arrangerer fylkesmessa for studentbedrifter. Alt foregår i vrimlearealet på høgskolen.
Her kan du sjå dei 13 studentbedriftene introdusere seg:
PROGRAM, 4. mars 2010
10.00 – Åpning av Gründerdagen 2010 og Fylkesmessen for studentbedrifter - Scenen
FOREDRAG:
10.15 - To minutter til å overbevise (Fylkesmessen) - Fogdegården
10.15 - Oppstartsbedrifter rundt Harøy og IP-Huse, ved Inge Huse - Åse
11.30 – One Call – å starte en suksessfull bedrift, ved Øistein Eriksen - Fogdegården
12.30 – Pause, underholdning, konkurranser og premieutdeling - Scenen
13.15 – ”Om det å være gründer, og sosiale medier”, ved Thomas Moen - Fogdegården
13.15 – MTB Shoes – merkevare- og omdømmebygging, ved Carl Reidar Solvang - Brosundet
14.30 – “Karrierevalgets kvaler”, ved Christer Torjussen - Fogdegården
15.00 – Avslutning med premieutdeling - Scene
